ചിത്രം - പണിതീരാത്ത വീട്
വയലാര് - എം എസ് വിശ്വനാഥന് - എം എസ് വിശ്വനാഥൻ
കണ്ണുനീര്ത്തുള്ളിയെ സ്ത്രീയോടുപമിച്ച കാവ്യഭാവനേ....
അഭിനന്ദനം.... നിനക്കഭിനന്ദനം...
അഭിനന്ദനം ...അഭിനന്ദനം.. അഭിനന്ദനം...
വ്യാസനോ കാളിദാസനോ അതു
ഭാസനോ ഷെല്ലിയോ ഷേക്സ്പിയറോ...
അഭിനന്ദനം.... നിനക്കഭിനന്ദനം...
അഭിനന്ദനം ...അഭിനന്ദനം.. അഭിനന്ദനം...
വിഷാദസാഗരം ഉള്ളില് ഇരമ്പും
തുഷാര ഗല്ഗദ ബിന്ദു.. സ്ത്രീയൊരു
വികാര വൈഢൂര്യ ബിന്ദു...
ശരിയാണ്... അതൊരു ചിപ്പിയില് വീണാല് വൈഢൂര്യമാകുന്നു...
പൂവില് വീണാല് പരാഗമാകുന്നു.. തൊടരുത്.. എടുത്തെറിയരുത്..
ഇന്ദ്രനതായുധമാക്കി... ഈശ്വരന് ഭൂഷണമാക്കി...
വ്യഭിചാരത്തെരുവില് മനുഷ്യനാ മുത്തുക്കള്..
വിലപേശി വില്ക്കുന്നു.. ഇന്നു വിലപേശി വില്ക്കുന്നു...
പ്രപഞ്ചസൌന്ദര്യമുള്ളില് വിടര്ത്തും
പ്രകാശബുല്ബുദബിന്ദു സ്ത്രീയൊരു
പ്രഭാതനക്ഷത്ര ബിന്ദു...
അതേ.. അതേ.. ആ നീര്ക്കുമിളിലേക്കു നോക്കിനിന്നാല്
പ്രകൃതി മുഴുവന് പ്രതിബിംബിക്കുന്നതു കാണാം..
തൊടരുത്.. അതിട്ട് ഉടയ്ക്കരുത്...
ചന്ദ്രിക ചന്ദനം നല്കി.... തെന്നല് വന്നളകങ്ങള് പുല്കി...
വഴിയാത്രക്കിടയില് മനുഷ്യനാ കുമിളകള്
വലവീശിയുടക്കുന്നു.... ഇന്നു വലവീശിയുടക്കുന്നൂ...
