ചിത്രം - ഇടനാഴിയില് ഒരു കാലൊച്ച
പി ഭാസ്കരൻ - ദക്ഷിണാമൂര്ത്തി - യേശുദാസ്
വാതില് പഴുതിലൂടെന് മുന്നില് കുങ്കുമം
വാരി വിതറും ത്രിസന്ധ്യ പോകെ...
അതിലോലമെന് ഇടനാഴിയില് നിന്
കളമധുരമാം കാലൊച്ച കേട്ടു..
മധുരമാം കാലൊച്ച കേട്ടു..
ഹൃദയത്തിന് തന്ത്രിയില് ആരോ വിരല്തൊടും
മൃദുലമാം നിസ്വനം പോലെ...
ഇലകളില് ജലകണം ഇറ്റു വീഴുമ്പോലെന്
ഉയിരില് അമൃതം തളിച്ച പോലെ...
തരളവിലോലം നിന് കാലൊച്ച കേട്ടു ഞാൻ
അറിയാതെ കോരിത്തരിച്ചു പോയി
അറിയാതെ കോരിത്തരിച്ചു പോയി..
ഹിമബിന്ദു മുഖപടം ചാര്ത്തിയ പൂവിനെ
മധുകരന് മുകരാതെ ഉഴറും പോലെ..
അരിയ നിന് കാലൊച്ച ചൊല്ലിയ മന്ത്രത്തിൻ
പൊരുളറിയാതെ ഞാന് നിന്നു...
നിഴലുകള് കളമെഴുതുന്നൊരെന് മുന്നില്
മറ്റൊരു സന്ധ്യയായ് നീ വന്നു....
മറ്റൊരു സന്ധ്യയായ് നീ വന്നു
